Friday, 25 December 2015

13000 ஆண்டுகளாக சுற்றித்திரியும் மர்மமான 'கருப்பு பொருள்' பற்றிய பின்னணி..!

பிளாக் நைட் சாட்டிலைட் (Black Knight satellite) என்பது ஒரு மர்மமான விண்கலம் ஆகும். 'கருப்பு போர்வீரன் வேற்றுலக விண்கலம்' என்று இது அழைக்கப்படுகிறது என்பதும், இது வேற்றுலகத்தை சார்ந்தது என ஆய்வாளர்களால் நம்பப்படுகிறது என்பதும் குறிப்பிடத்தக்கது.

மேலும், இந்த கருப்பு போர்வீரன் வேற்றுலக விண்கலம் (Black Knight satellite) ஆனது 13000 ஆண்டுகளாக விண்வெளியில் சுற்றி வருவதாக யூஎப்ஓ (UFO) எனப்படும் அடையாளம் கண்டுபிடிக்க முடியாத பறக்கும் பொருள்களை (Unidentified flying object) ஆராயும் ஆய்வாளர்கள் நம்புகிறார்கள். இந்த மர்மமான 'பிளாக் நைட்' பற்றிய மேலும் பல தகவல்களை கீழ்வரும் ஸ்லைடார்களில் தொகுத்துள்ளோம். 

18-1450421320-maxresdefault.jpg

இப்படி ஒரு விண்கலம் :

1954-யில் அமெரிக்க விமானப்படையைச் சார்ந்த ஆய்வாளர் ஒருவர் அளித்த செய்தியின் மூலம் தான், இப்படி ஒரு விண்கலம் புவியைச் சுற்றி வருகிறது என்பது தெரிய வந்தது. 

18-1450421315-gpn-2002-000182.jpg

வசதிகள் : 

விண்ணில் விண்கலங்களை செலுத்தும் தொழில்நுட்ப வசதிகள் ஆனது 1950-களில் தான் வளர்ந்து கொண்டிருந்தது என்பதும், அந்த சமயத்தில் வெளியான இந்த பிளாக் நைட் பற்றிய செய்தி தீயாய் பரவியது என்பதும் குறிப்பிடத்தக்கது. 

18-1450421322-nasa-ufo-black-night.jpg

கருப்பு பொருள் :

மீண்டும் 1960-யில் அமெரிக்க கடற்படை இதே கருப்பு பொருள் 104.5 நிமிட சுற்று வேகத்தில் புவியைச் சுற்றிவருவதை கண்டறிந்தது . மேலும் இது சார்ந்த தீவிரமான ஆய்வும் தொடங்கப்பட்டது. 

18-1450421311-closeupblackknight.jpg

216 கி.மீ தூரம் : 

விசித்திரமான சுற்றுப்பாதையை கொண்ட இந்த கருப்பு பொருளுக்கும், பூமிக்கும் இடையேயுள்ள அதிகப்பட்ச தூரம் 1,728 கி.மீ என்று,ம் குறைந்தப்பட்ச தூரம் 216 கி.மீ என்றும் கண்டறியப்பட்டது. 

18-1450421309-black-knight-satellite.jpg

ரேடியோ சிக்னல் : 

பிளாக் நைட் செயற்கைக்கோள் 50 ஆண்டுகளுக்கு மேலாக ரேடியோ சிக்னல்களை கடத்திக் கொண்டிருக்கிறது என்று உலகம் முழுவதும் முகவர் கண்கானித்துக் அறிவித்துள்ளனர். 

18-1450421301-a2.jpg

சிறப்பு கவனம் : 

பல ஆண்டுகளாக விண்வெளி வளர்ச்சி யுத்தம் நடத்திக் கொண்டிருக்கும் அமெரிக்க மற்றும் ரஷ்யாவிற்கு, இந்த பிளாக் நைட் விண்கலம் மீது சிறப்பு கவனம் உண்டு என்பது குறிப்பிடத்தக்கது. 

18-1450421304-as1wd2w.jpg

சமிக்ஞை இடைமறிப்பு : 

1899-ஆம் ஆண்டு நிக்கோலா டெஸ்லா என்பவர் தான், பிளாக் நைட் விண்கலத்தின் சமிக்ஞையை இடைமறிப்பு செய்த முதல் மனிதர் என்ற புரளி கிளம்பியதும் குறிப்பிடத்தக்கது. 

அறிக்கை : 

மேலும் 1930-களில் இருந்தே பிளாக் நைட் விண்கலத்தின் விசித்திரமான சிக்னல்களை பெறுவதாக உலகம் முழுக்க உள்ள விண்வெளி வீரர்கள் அறிக்கை அளித்துள்ளதும் குறிப்பிடத்தக்கது.

18-1450421306-black-knight-satellite.jpg

புகைப்படத்தில் சிக்கியது : 

1957-ஆம் ஆண்டு தான் மர்மமான பிளாக் நைட் விண்கலம் முதல் முறையாக புகைப்படத்தில் சிக்கியது. 

18-1450421586-sts088-724-70as1-1024x1022

தற்செயல் : 

டாக்டர் லுயிஸ் கோராலோஸ் (Dr. Luis Corralos) என்பவர், சோவியத் ஒன்றியத்தினால் ஏவப்பட்ட இசுப்புட்னிக் 2 விண்கலம் (Sputnik 2) வெனிசுவேலாவின் தலைநகரமான கரகஸ் நகரை கடக்கும் போது புகைப்படம் எடுக்க முயற்சிக்கும் போது தற்செயலாக பிளாக் நைட் சிக்கியது. 

18-1450425621-11.png

நிழல் ஆடுவதாக அறிக்கை : 

அதே 1957-ஆம் ஆண்டு இசுப்புட்னிக் 1 விண்கலத்தில் (Sputnik 1) இருந்த விண்வெளி வீரர்கள் அடையாளம் காணமுடியாத ஒன்று, போலார் சுற்று வட்டப்பாதையில் தங்களின் அருகே நிழல் ஆடுவதாக அறிக்கை செய்ததும் குறிப்பிடத்தக்கது.

18-1450425622-12.png

டைம்ஸ் நாளிதழ் :

மார்ச் 7-ஆம் அதேதி 1960-ஆம் ஆண்டு பிரபல டைம்ஸ் நாளிதழ் இந்த பிளாக் நைட் விண்கலம் பற்றி செய்தி வெளியிட்டது என்பதும் குறிப்பிடத்தக்கது. 

18-1450425624-13.jpg

முதல் வானிலை செயற்கைகோள் :

1957-ஆம் ஆண்டு வாக்கில் அமெரிக்க மற்றும் ரஷ்யா ஆகிய இரண்டு நாடுகளுமே போலார் சுற்று வட்டப்பாதைக்குள் விண்கலம் செலுத்த முனையத் தொடங்கி 1960-ஆம் ஆண்டு உலகின் முதல் வானிலை செயற்கைகோள் விண்ணில் ஏவப்பட்டது. 

பிளாக் நைட் பற்றிய தகவல் : 

விண்ணில் செலுத்தப்பட்ட போலார் செயற்கைகோள் ஆனது பூமியின் மேப்பிங் மற்றும் பூமியை கண்கானித்தல் போன்றவைகளை செய்வதோடு, போலார் சுற்று வட்டப்பாதையில் அடிக்கடி தென்படும் பிளாக் நைட் பற்றிய தகவல்களையும் சேமிக்க உதவும் என்று நம்பப்பட்டது.

10 டன் எடை : 

பின் 1960-களில் மீண்டும் பிளாக் நைட் விண்கலம் போலார் சுற்று வட்டப்பாதையில் தென்பட்டுள்ளது. அப்போது தான் அந்த விண்கலம் ஆனது சுமார் 10 டன் வரை எடை கொண்டதாய் இருக்கும் என விண்வெளி வீரர்களும், அறிவியலாளர்களும் கணிப்பு தெரிவித்தனர். 

18-1450425629-16.jpg

பிளாக் நைட் : 

அந்த காலக்கட்டத்தில் விண்ணில் மிதக்கும் மிக கனமான விண்கலமாய் (Heaviest Artificial Satellite) பிளாக் நைட் பார்க்கப்பட்டது என்பதும் குறிப்பிடத்தக்கது 

18-1450425630-17.png

ட்ராக் : 

முதல் முறையாக ரேடாரில் பிளாக் நைட் சிக்கிய 7 மாதம் கழித்து 'ட்ராக்' செய்யப்பட்டு மீண்டும் பிளாக் நைட் புகைப்படத்தில் சிக்கியது. இதற்கு க்ரூமன் ஏர்கிராஃப்ட் கார்ப்ரேஷன் (Grumman Aircraft Corporation) மிகவும் உதவியது. 

18-1450425632-18.gif

டீகோட் :

பிளாக் நைட் விண்கலத்தில் இருந்து கிடைத்த சிக்னல்களை டீகோட் (decode) செய்து பின், அது 13000 ஆண்டுககளுக்கு முன் உருவான 'எப்சிலன் பூட்ச் ஸ்டார் சிஸ்டம்' (Epsilon Bootes Star System) என்ற இரட்டை நட்சத்திரத்துடன் தொடர்பு கொண்டது என்பது கண்டுபிடிக்கப்பட்டது.

18-1450425633-19.png

நாசா : 

இறுதியாக அமெரிக்க விண்வெளி ஆராய்ச்சி நிலையமான நாசாவும் 'பிளாக் நைட் சாட்டிலைட்' என்பதை உறுதி செய்து அதிகாரப்பூர்வமான புகைப்படம் ஒன்றை வெளியிட்டது என்பதும் குறிப்பிடத்தக்கது.

8000 வருடங்களாக எவர் கண்ணிலும் சிக்காத 'விசித்திரங்கள்', 'கூகுள் எர்த்'தில் சிக்கியது..!

சமீபத்தில், டிமிட்ரி டே (Dmitriy Dey) தன்னார்வ தொல்பொருள் ஆய்வாளர் ஒருவர் எகிப்து பிரமிட்களை கூகுள் எர்த் மேப் மூலம் தேடிய போது, சுமார் 8000 ஆண்டுகளாக எவர் கண்ணிலும் சிக்காத சில மர்மமான பண்டைய சூப்பர்ஸ்ட்ரக்சர்கள் தென்பட்டுள்ளது.

மேலும் இது சார்ந்த தகவல்களையும், கிடைக்கப்பெற்ற பண்டைய சூப்பர்ஸ்ட்ரக்சர்களையும் கீழ்வரும் ஸ்லைடர்களில் காணலாம்.

22-1450767790-1.png

கஜகஸ்தான் :

இந்த பண்டைய கால நிலப்படைப்புகள் முன்னாள் சோவியத் பிராந்தியத்திற்கு அருகில் உள்ள கஜகஸ்தானில் உள்ளன. 

22-1450767792-2.jpg

சதுரங்கள், சிலுவைகள் : 

இந்த நில படைப்புகளில் நூற்றுக்கணக்கான அடிகள் அளவிடும் சதுரங்கள், சிலுவைகள், கோடுகள் மற்றும் வளையங்கள் உள்ளன. 

22-1450767794-3.gif

வடிவியல் புள்ளிவிவரம் :

மேலும் நில படைப்புகள் ஆனது மகத்தான வடிவியல் புள்ளிவிவரங்களை உள்ளடக்கியது போல் தெரிகிறது என்பது குறிப்பிடத்தக்கது.

22-1450767797-4.jpg

200 பண்டைய கால நில படைப்புகள் :

தீவிர ஆய்விற்க்கு பின் சுமார் 200 பண்டைய கால நில படைப்புகள் கிடைக்கப்பெற்றுள்ளது என்பதும் குறிப்பிடத்தக்கது. 

22-1450767799-5.jpg

அளவில் பெரியதாக :

கிடைக்கப்பற்ற நில படைப்புகளில் ஒன்றான மாபெரும் குறுக்கு வடிவ நில படைப்பானது எகிப்தில் இருக்கும் மாபெரும் பிரமிடை விட அளவில் பெரியதாக உள்ளது.

22-1450767800-6.jpg

கோட்பாடு :

இந்த சூப்பர்ஸ்ட்ரக்சர்கள் சார்ந்த துல்லியமான தெளிவு கிடைக்கப்படவில்லை என்றாலும் கூட, இவைகள் சூரிய மண்டலம் சார்ந்த அக்கால கோட்பாடுகளாய் இருக்கலாம் என்று நம்பப்படுகிறது.

22-1450767802-7.jpg

நாஸி :

ஹிட்லரின் நாஸிப்படையின் அடையாளமான ஸ்வஸ்திகா வடிவத்தில் இருக்கும் சூப்பர்ஸ்ட்ரக்சர் ஒன்றும் கண்டுப்பிடிக்கப்பட்டுள்ளது.

22-1450767804-8.png

புதிர் :

சில சூப்பர்ஸ்ட்ரக்சர்கள் பற்றிய தெளிவு ஓரளவு கிடைத்தாலும், ஏனைய அனைத்துமே இன்றளவும் புதிராகவே உள்ளன என்பதும் குறிப்பிடத்தக்கது.

ஸ்மார்ட் போன் முடக்கிய சாதனங்கள்!

இன்றைய தொழில் நுட்பம் வழங்கிய சாதனங்களில், ஸ்மார்ட் போன் மட்டுமே நாம் ஏற்கனவே மேற்கொண்ட வாழ்க்கையின் சில பரிமாணங்களை மாற்றிப் போட்டுள்ளது. நாம் மிக ஆர்வத்துடனும், பெருமையுடனும் பயன்படுத்திய சாதனங்களை மூலைக்கு அனுப்பிவிட்டது. இதுவரை வேறு எந்த சாதனமும் இந்த அளவிற்கு மாற்றங்களைத் தந்ததில்லை என்று சொல்லும் அளவிற்கு, ஸ்மார்ட் போன் நம் வாழ்வில் இடம் பிடித்துவிட்டது. பெரும்பாலானவர்களுக்கு, அவர்களின் அன்றாட வாழ்வின் இன்றியமையாத ஒரு சாதனமாக மாறிவிட்டது.

சமூக ஊடகங்களுடன் இதனை இணைத்துப் பார்த்தால், இதுவரை சென்ற சந்ததியினர் தகவல்களைப் பரிமாறிக் கொள்ளக் கையாண்ட வழிகளை அடியோடு புரட்டிப் போட்டது இந்த ஸ்மார்ட் போன் எனலாம். இதனை 'போன்' என அழைத்தாலும், நாம் போனாக இதனைப் பயன்படுத்துவது மிகக் குறைவுதான் எனலாம். ஸ்மார்ட் போன் பயன்பாட்டுப் பட்டியலில், அழைப்புகள் ஏற்படுத்த இதனைப் பயன்படுத்துவது இறுதியாகத்தான் உள்ளது. மற்ற செயல்பாடுகளே அதிகம் உள்ளன. எனவே, ஒரு சிலர், இதனை 'போன்' என்று சொல்வதைக் காட்டிலும், 'டேப்ளட்' அல்லது 'பேப்ளட்' என அழைக்கலாமே என்று கருத்து தெரிவிக்கின்றனர். 


இன்றைய பயனாளர்கள், குறிப்பாக இளைஞர்கள், இதனைப் போனாகப் பயன்படுத்தாமல், அப்ளிகேஷன்களைப் பதிந்து, அவற்றின் மூலம், குறுஞ்செய்திகளைத் தொடர்ந்து பரிமாறிக் கொண்டு, தங்கள் தகவல்கள் பரிமாற்றத்தை முடித்துக் கொள்கின்றனர். மேலும், இளவயதினர் ஆசைப்படுவது போல, ஒரே நேரத்தில், பலருடன் எளிதாக தகவல் தொடர்பு கொள்ள முடிகிறது. போனில் பேசும் போது, நம் முழு கவனத்தையும் அதில் செலுத்த வேண்டும். ஆனால், டெக்ஸ்ட் டைப் செய்து தகவல்களைப் பரிமாறும் போது, அந்த அளவிற்குக் கவனம் செலுத்த வேண்டியதில்லை. இதனால் தான், பல வீடுகள், தங்கள் தரைவழி தொடர்பில் உள்ள தொலைபேசி தொடர்புகளை ரத்து செய்து வருகின்றனர்.  ஸ்மார்ட் போன்கள் எந்த சாதனங்களை எல்லாம் பின்னுக்குத் தள்ளிவிட்டன என்று இங்கு பார்க்கலாம்.
 


பொருள் பார்த்து போட்டோ எடுக்கும் கேமரா:


image.jpg


ஸ்மார்ட் போன்கள் முதலில் ஒழித்துவிட்ட சாதனம், நாம் ஏதேனும் ஒரு பொருளை அல்லது நபரை இலக்காகக் கொண்டு, பார்த்து போட்டோ எடுக்கும் Point and Shoot Camera தான். கடந்த பத்து ஆண்டுகளாகவே, இந்த கேமரா சிறிது சிறிதாக மறைந்து வந்தது. தற்போது ஸ்மார்ட் போன் வைத்துள்ள யாரும், இந்த வகை கேமராவில் எடுக்கும் போட்டோக்களைக் காட்டிலும் மிகவும் துல்லியமாக போட்டோ எடுக்க முடிகிறது. எனவே, தனியாக கேமரா ஒன்றை யாரும் வாங்கிப் பயன்படுத்துவதில்லை. இதனை வாங்குபவர்களின் எண்ணிக்கை குறைவதாலேயே, இதனைத் தயாரிக்கும் நிறுவனங்கள் இதில் புதிய சில வசதிகளை அறிமுகப்படுத்தி வருகின்றனர். இந்த வகை கேமராக்களில், இணையத் தொடர்பு கொள்ளும் வை பி இணைப்பினை இயக்க முடியும். நம் ஸ்மார்ட் போனையும், இந்த வகை Point and Shoot கேமராவினையும், வை பி வழியாக இணைத்து, கேமராவில் எடுத்துள்ள போட்டோக்களைப் பார்க்க முடியும். கேமராவினை தொலைவில் வைத்துவிட்டு, ஸ்மார்ட் போனில் உள்ள திரையை அழுத்துவதன் மூலம், போட்டோ எடுக்க முடியும். எடுத்த போட்டோவை, கேமராவிலிருந்து நேரடியாக, வை பி மூலம் சமூக இணைய தளங்களுக்கு அனுப்ப முடியும். இந்த வசதிகள் இருந்தால் தான், இந்த வகை கேமராக்கள் தற்போது விற்பனையாகும். இருப்பினும், இந்த வசதிகள் இருந்தாலும், சில ஆண்டுகளில் இவையும் மறைந்துதான் போகும் என கேமரா தயாரிப்பவர்கள் எண்ணுகிறார்கள்.

ஸ்மார்ட் போன்களில் போட்டோ எடுப்பது மட்டுமின்றி, அவற்றை எடிட் செய்திடும் வசதிகளும் இப்போது கிடைக்கின்றன. உடனடியாக, எடுத்த மற்றும் எடிட் செய்த போட்டோக்களை உடனே, நண்பர்களுக்கு அனுப்ப முடியும். அல்லது, க்ளவ்ட் சர்வர்களுக்கு அனுப்பி, அதன் வழியாக நண்பர்களுக்கு பகிர்ந்து கொள்ளலாம். போட்டோ மட்டுமின்றி, வீடியோ பதிவினையும் ஸ்மார்ட் போன்கள் திறனுடன் மேற்கொள்வதால், ஸ்மார்ட் போன்கள் கேமராவினை ஓரங்கட்டியதில் வியப்பில்லை.
 


மியூசிக் பிளேயர்கள்:

walkman_girl4.jpg



 வாக்மேன், ஐ பாட், எம்பி3 பிளேயர்கள் என ஒரு காலத்தில் நம் இளைஞர்கள் தங்கள் இடுப்பில் கட்டிக் கொண்டு, பாடல்களைக் கேட்டுக் கொண்ட காலம் எல்லாம் மலை ஏறிவிட்டது. இசை கேட்க விரும்புபவர்கள், அதற்கான பைல்களை, ஸ்மார்ட் போனில் பதிந்து, அல்லது மைக்ரோ எஸ்.டி. கார்ட்களில் பதிந்து, கேட்டு ரசிக்கின்றனர். விரும்பும் பாடல்களைக் கட்டணம் செலுத்தி, ஸ்மார்ட் போனில் டவுண்லோட் செய்து, ரசிப்பதும் இப்போது பழக்கமாகிவிட்டது. எனவே, மியூசிக் பிளேயர்கள் என தனியே ஒரு சாதனத்தைக் கொண்டு செல்வது என்பது இனி நடைமுறையில் இருக்காது.
 


பெர்சனல் கம்ப்யூட்டர்:


தங்கள் ஸ்மார்ட் போனையே, பெர்சனல் கம்ப்யூட்டராகப் பயன்படுத்தும் பழக்கம் தற்போது மெல்ல மெல்ல பரவி வருகின்றது. இமெயில், இணைய தேடல் மற்றும் கேம்ஸ் விளையாட ஸ்மார்ட் போன்கள் பயன் படுத்தப்படுகின்றன. கம்ப்யூட்டரில் பணம் முதலீடு செய்திட முடியாதவர்கள், கூடுமானவரை, தங்கள் ஸ்மார்ட் போனையே, கம்ப்யூட்டருக்குப் பதிலாகப் பயன்படுத்துகின்றனர். வீடுகளில் வைத்து பயன்படுத்தும், ஹோம் பெர்சனல் கம்ப்யூட்டரில் இயக்கும் செயலிகள் அனைத்தையும் ஈடு செய்திடும் வகையில், ஸ்மார்ட் போன்களில் பயன்படுத்த அப்ளிகேஷன்கள் தற்போது கிடைக்கின்றன. அலுவலகங்களில் உள்ள கம்ப்யூட்டர்கள் அதிக திறன் கொண்டு பார்க்கும் வேலைகள் அனைத்தையும், ஸ்மார்ட் போனில் பார்க்க முடியாது என்றாலும், அன்றாட கம்ப்யூட்டிங் பணிகளை, நம்மால், ஸ்மார்ட் போனில் மேற்கொள்ள முடியும். எனவே, ஸ்மார்ட் போன்கள், ஓரளவிற்கு, பெர்சனல் ஹோம் கம்ப்யூட்டரை ஓரங்கட்டி விட்டன என்ற கூற்றும் உண்மையே.
 


டேப்ளட் பி.சி:


பல ஆண்டுகளாக உயர்ந்து வந்த டேப்ளட் பி.சி.க்கள் விற்பனை, தற்போது, அதிகத் திறன் கொண்ட ஸ்மார்ட் போன்களால் குறைந்து வருகிறது. அதாவது, மக்கள் டேப்ளட் பி.சி.க்களை வாங்கிப் பயன்படுத்தாமல் இல்லை. அவர்கள், சிறிய அளவிலான டேப்ளட் சாதனங்களை வாங்கி, ஸ்மார்ட் போன் போலப் பயன்படுத்தி வருகின்றனர். ஸ்மார்ட் போனின் பரிமாணம், மெல்ல மெல்ல அதிகரித்துக் கொண்டே வந்து, தற்போது 5 அல்லது 6 அங்குல அளவிலான திரை, ஸ்மார்ட் போன்களின் ஒரு நிச்சயிக்கப்பட்ட அம்சமாக அமைந்துவிட்டது. இந்த அளவிலான திரை கொண்ட ஸ்மார்ட் போன்கள், டேப்ளட் பி.சி.க்கள் போலவே செயல்படுகின்றன. இவற்றைச் சட்டைப் பைகளில் வைத்து எடுத்துச் செல்லவும் முடியவில்லை என்பதுவும் இங்கு குறிப்பிடத்தக்கது. மேலும், கம்ப்யூட்டரில் வைத்து முன்பு விளையாடப்பட்ட விளையாட்டுகள் எல்லாம், ஸ்மார்ட் போன்களுக்கென வடிவமைக்கப்பட்டு, அதற்கான ஸ்டோர்களில் கிடைக்கின்றன

பத்திரமாக திரும்பி வந்த பல்கன் -9 ராக்கெட் !!

ராக்கெட்டுகள் என்றாலே நினைவுக்கு வருவது  அதிக நெருப்புடன் வெடித்து சிதறும் காட்சிகள் தான். இதுவரை விண்ணில் ஏவப்பட்ட ராக்கெட்டுகள் மலைகளிலோ அல்லது கடலிலோ மனிதர்களை பதிக்காத அளவிற்கே தரையிறக்க வழிகள்  செய்யபட்டிருந்தது. ஆனால்  பல கோடிகணக்கில் செலவிட்டு விண்ணில்  ஏவப்படும் ராக்கெட்டுகளை  மறுமுறை பயன்படுத்தும் முயற்சியில்  தனியார் நிறுவனமான ஸ்பேஸ்-X சாதனை படைத்துள்ளது. சாதரணமாக ராக்கெட்டுகள் விண்வெளி பயணத்தை முடித்த பின்னர்   ராக்கெட்டை மீண்டும் பயன்படுத்தவியலாது. ஆனால் தற்போது அந்த எண்ணத்தினை முறியடித்து ஸ்பேஸ்-X நிறுவனம் தற்போது ராக்கெட்டினை  தரையில் பாதுகாப்பான முறையில் செங்குத்தாக தரையிறக்கும் நோக்கில்  சாதித்து காட்டியுள்ளது.
 
இதுவரை அனைவரும் நினைத்திருந்த ஒரு எண்ணத்தை  மாற்றி  கழிவாக மட்டுமே போய்கொண்டிருந்த ஒரு பொருளை மாற்றி மீண்டும் பயன்படுத்தும் வகையில் செய்துள்ளது ஆச்சரியமே! ஏவுதளத்திலிருந்து மிகவும் கவனமாக புறப்பட்ட இந்த பல்கன் -9 இரண்டரை மணி நேரத்திற்கு பிறகு ராக்கெட்டின் முன் பகுதி அதன் அடுத்த பகுதியிலிருந்து பிரிந்து விண்ணுக்கு ஏவப்பட்டது. அதன் பின் ராக்கெட் நேர்குத்தாக தரையிறங்கியது.இதனால் விண்கலத்தினை மறுசுழற்சி செய்வதோடு மட்டுமல்லாமல்  புதிதாக வேறு ஒரு விண்கலத்தை  உருவாக்க அதிகமாக செலவு செய்யத் தேவையில்லை . பணம் மிச்சமாவதோடு    மட்டுமல்லாமல்  மனித உழைப்புகளும் சேமிக்கபடுகின்றன.
 
images-6.jpg
 
செங்குத்தாக களமிறங்கிய கலங்களில்  இது முதலாவதல்ல இதற்கு முன்  ப்ளூஆர்ஜின்  கலம்  வெற்றிகரமாக மேற்கு டெக்சாஸில்  களமிறங்கியது என்றாலும் அது  மிகவும்  சிறியது  என்பதோடு மட்டுமல்லாமல் அது விண்வெளிச் சுற்று வட்ட பாதை வரை தொட்டுவரவில்லை என்பது  ஒரு குறையே !  ப்ளூஆர்ஜின் விண்கலம் அமேசானின்  இணைய உரிமையாளரான ஜெட் பிராசசின்  அனுசரணையால் தொடங்கப்பட்டது. மேலும் தற்போது விண்ணில் வெற்றிகரமாக ஏவப்பட்ட பல்கன் -9   மற்றொரு இணையதள இலட்சாதிபதியான  ஹெலன் மாஸ்க்கின் ஆதரவுடன் அனுப்பப்பட்டது. இவர்களுக்கிடையிலான இந்த போட்டி விண்வெளி பயணத்தில் ஒரு புதிய சகாப்தத்தை ஏற்படுத்தும் என்று எதிர்பார்க்கபடுகின்றன.

'டார்க் மேட்டர்' - விஞ்ஞானிகளையே குழப்பும்' விண்வெளி மர்மம்..!

அறிவியலும், தொழில்நுட்பமும் உச்சக்கட்ட வளர்ச்சி நிலையை அடைந்து விட்டது என்று நினைத்து கொண்டு இருப்பவர்களின் எண்ணத்தில் பெரிய முற்றுப்புள்ளி வைக்கும் ஒரு பெரும் புதிர் தான் - கரும்பொருள். உலகின் மாபெரும் மற்றும் அதிநவீன தொலைநோக்கிகளுக்குள் கூட 'அடங்காத' ஒன்று தான் கரும்பொருள் என்பது நிதர்சனம்.

கிரகங்கள், நட்சத்திரங்கள் என அண்டத்தில் கண்களுக்கு புலப்படக் கூடிய பொருட்களை காணக்கூடிய பொருட்கள் (visible matter) என்பர். அதே போன்று அண்டத்தில் கண்களுக்கு புலப்படாத விடயங்களை கரும்பொருள் என்பர் அதாவது 'டார்க் மேட்டர்' என்பர். அப்படியான காணக்கூடிய பொருட்களின் மீது ஏற்படும் புவியீர்ப்பு விசை மற்றும் பின்புல கதிர்வீச்சின் ஈர்ப்பு ஆகியவைகளால் ஊக்குவிக்கப்படுவது தான் கரும் பொருள் ஆகும். 

24-1450939559-1.jpg

சூப்பர் ஹார்ட் டு பைண்ட் :

அண்டத்தில் புலப்படும் பொருட்களை எளிமையான அறிவியல் மற்றும் தற்கால தொழில்நுட்பங்கள் கொண்டே ஆராய்ந்து விட முடியும். ஆனால், கரும்பொருள் என்பது அப்படியில்லை, 'ஸ்டில் சூப்பர் ஹார்ட் டு பைண்ட்' (Still Super hard to find) என்று நம்பப்படும் ஒரு விடாயமாகும்.


24-1450939562-2.jpg

வியப்பான விடயங்கள் :

அப்படியான கரும்பொருள் பற்றி, இதுவரை வானியலாளர்கள் மற்றும் வான்வெளி ஆராய்ச்சியாளர்களால் கண்டுப்பிடிக்கப்பட்ட, வியப்பான விடயங்களைத்தான் அடுத்து தொகுக்கப்பட்டுள்ளது 

24-1450939568-4.jpg

உக்கிரமான வெடிப்பு :

13.8 பில்லியன் ஆண்டுகளுக்கு முன்பு உக்கிரமான ஒரு வெடிப்பின் மூலம் உருவானது தான் இந்த பிரபஞ்சம் (The Universe). அதன் அடிப்படையில் உருவானது தான் 'பிக் பாங்க்' கோட்பாடு (Big Bang Theory). 

24-1450939564-3.jpg

பிக் பாங்க் :

நாளுக்கு நாள் நீண்டுக்கொண்டே போகும் அந்த பிக் பாங்க் கோட்பாடின் கீழ் தான் கரும்பொருள் பற்றிய புதிரான முடிச்சுகளும் அவிழ்க்கப்பட்டுள்ளன என்பதும் குறிப்பிடத்தக்கது.

24-1450939571-5.jpg

84.5% :

டார்க் மேட்டர் ஆனது அண்டத்தின் 84.5% இடத்தைப் ஆட்க்கொண்டுள்ளது.

24-1450939573-6.jpg

ஒளியை உறிஞ்சிக்கொள்ளாது :

ஏனைய காணக்கூடிய விண்வெளிப் பொருட்களைப் போல் இல்லை, அதாவது டார்க் மேட்டர் ஆனது மின்காந்த சக்தியுடன் தொடர்பு கொள்ளாது. அதனால் டார்க் மேட்டர் ஆனது ஒளியை உறிஞ்சிக்கொள்ளாது, உமிழாது மற்றும் பிரதிபலிக்காது. 

24-1450939576-7.jpg

தொலை நோக்கிகள் :

ஆகையால், கண்களுக்கு புலப்படாத இந்த கரும்பொருள் ஆனதை காணக்கூடிய பொருட்கள் மீது செலுத்தும் ஈர்ப்பிலிருந்து தான் இருப்பதை உணர்ந்து கொள்ள முடியுமே தவிர தொலை நோக்கிகள் மூலம் அல்ல.

24-1450939579-8.jpg

1932 :

கரும் பொருள் என்ற ஒரு விடயத்தின் இருப்பை முதன்முதலில் (1932) கண்டுப்பிடித்தவர் டச்சு வானியலாளர் ஆன ஜான் ஊர்ட் (Jan Oort) என்பவர் தான். 

24-1450939582-9.jpg

தாங்கிப்பிடித்து கொண்டிருக்கிறது :

மனித கண்களுக்கு புலப்படாத விடயங்கள் (கரும்பொருள்) தான் விண்மீன் திரள்களை தாங்கிப்பிடித்து கொண்டிருக்கிறது என்று டார்க் மேட்டர் பற்றிய தனது விளக்கத்தை அளிக்கிறார் - சுவிஸ் வானியலாளர் ஆன ஃப்ரிட்ஸ் ஸ்விகீ (Fritz Zwicky).

24-1450939599-10.jpeg

புல்லட் க்லஸ்டர் :

இரண்டு விண்மீன் திரள்கள் மோதிக்கொண்ட சம்பவமான புல்லட் க்லஸ்டர் (bullet cluster) தான் இதுவரை கிடைக்கப் பெற்ற கரும் பொருள் இருப்பின் ஆதாரங்களில் மிக முக்கியமானது என்பது குறிப்பிடத்தக்கது. 

24-1450939601-11.jpg

ஈர்ப்பு வில்லை :

தூரத்தே இருந்து வரும் ஒளியை இடையில் உள்ள ஒரு பெரிய பொருளால் வளைக்கப்படும் சம்பவத்தை தான் ஈர்ப்பு வில்லை (Gravitational lens) என்பர்.

24-1450939607-12.jpg

அறிவியல் தொழில்நுட்ப முறை :

அந்த ஈர்ப்பு வில்லை (Gravitational lens) மட்டும் தான் இன்று வரை கரும்பொருள் பற்றி ஆராய கிடைத்துள்ள ஒரே அறிவியல் தொழில்நுட்ப முறை என்பது குறிப்பிடத்தக்கது.